13. មានតែព្រះជាម្ចាស់ប៉ុណ្ណោះដែលមានប្រាជ្ញា និងឫទ្ធានុភាពព្រមទាំងយោបល់ និងការយល់ដឹង។
14. ប្រសិនបើព្រះអង្គកម្ទេចអ្វីមួយគ្មាននរណាសង់ឡើងវិញបានទេប្រសិនបើព្រះអង្គឃុំមនុស្សម្នាក់នោះក៏គ្មាននរណាអាចដោះលែងបានដែរ។
15. ប្រសិនបើព្រះអង្គទប់ទឹក នោះនឹងកើតរាំងស្ងួតប្រសិនបើព្រះអង្គបើក នោះទឹកនឹងលិចផែនដី។
16. ព្រះអង្គប្រកបដោយព្រះចេស្ដាហើយសម្រេចកិច្ចការអ្វីៗ តាមព្រះហឫទ័យរីឯអ្នកដែលវង្វេង និងអ្នកនាំគេឲ្យវង្វេងស្ថិតនៅក្រោមអំណាចរបស់ព្រះអង្គ។
17. ព្រះអង្គដកអ្នកធំចេញពីតំណែងព្រះអង្គធ្វើឲ្យចៅក្រមទៅជាលេលា។
18. ព្រះអង្គទម្លាក់ស្ដេចនានាចេញពីអំណាចហើយធ្វើឲ្យពួកគេជាប់ជាឈ្លើយសឹក។
19. ព្រះអង្គដកពួកបូជាចារ្យចេញពីតំណែងព្រះអង្គទម្លាក់អ្នកដែលមានអំណាចរឹងមាំ។
20. ព្រះអង្គដកពាក្យសម្ដីចេញពីអ្នកពូកែវោហារព្រះអង្គយកតម្រិះប្រាជ្ញាចេញពីចាស់ព្រឹទ្ធាចារ្យ។
21. ព្រះអង្គធ្វើឲ្យមេដឹកនាំទៅជាថោកទាបហើយដកអំណាចចេញពីអ្នកខ្លាំងពូកែ។