23. នេះជាព្រះបន្ទូលស្ដីអំពីក្រុងដាម៉ាស់។«អ្នកក្រុងហាម៉ាត់ និងអ្នកក្រុងអើផាតត្រូវអាម៉ាស់ ដ្បិតពួកគេទទួលដំណឹងមិនល្អពួកគេញ័ររន្ធត់យ៉ាងខ្លាំងពួកគេអន្ទះអន្ទែងដូចទឹកសមុទ្រពុះកញ្ជ្រោលគ្មាននរណាអាចធ្វើឲ្យស្ងប់បានឡើយ។
24. អ្នកក្រុងដាម៉ាស់ធ្លាក់ទឹកចិត្តហើយបែរក្រោយ ដើម្បីរត់គេចខ្លួនពួកគេភ័យតក់ស្លុតឈឺចុកចាប់អន្ទះអន្ទែងដូចស្ត្រីហៀបនឹងសម្រាលកូន។
25. តើក្រុងដ៏ល្បីល្បាញ ក្រុងដ៏សប្បាយនេះត្រូវគេបោះបង់ចោលមែនឬ?
26. នៅថ្ងៃនោះ ពួកយុវជនដួលស្លាប់នៅតាមផ្លូវទាហានទាំងអស់ក៏បាត់បង់ជីវិតដែរ- នេះជាព្រះបន្ទូលរបស់ព្រះអម្ចាស់នៃពិភពទាំងមូល។