11. តាំងពីក្មេងរៀងមក ម៉ូអាប់ពុំដែលមានកង្វល់អ្វីទាល់តែសោះគេសម្រាកយ៉ាងស្រួល ឥតដែលមាននរណាដឹកយកទៅជាឈ្លើយសឹកឡើយ។គេប្រៀបដូចជាស្រាដែលគ្មាននរណាផ្ទេរទៅដបផ្សេងទេ តែស្ថិតនៅក្នុងដបដដែលហើយរក្សារសជាតិដើម ឥតដូរសោះ។
12. ហេតុនេះ នៅគ្រាខាងមុខ យើងនឹងចាត់មនុស្សឲ្យមកផ្ទេរម៉ូអាប់ - នេះជាព្រះបន្ទូលរបស់ព្រះអម្ចាស់- អ្នកទាំងនោះនឹងចាក់ម៉ូអាប់ចេញពីដប ហើយបំបែកពាងរបស់ពួកគេចោល។
13. ម៉ូអាប់មុខជាខកចិត្តនឹងកេម៉ូស ជាព្រះរបស់ខ្លួន ដូចជនជាតិអ៊ីស្រាអែលខកចិត្តនឹងបេតអែល ជាទីពឹងផ្អែករបស់ពួកគេដែរ។
14. អ្នកស្រុកម៉ូអាប់អើយ ហេតុដូចម្ដេចបានជាអ្នករាល់គ្នាហ៊ានពោលថា“យើងខ្ញុំជាទាហានដ៏ខ្លាំងពូកែយើងខ្ញុំជាពូជអ្នកចំបាំង” ដូច្នេះ?