19. ព្រះពិរោធរបស់ព្រះអម្ចាស់នឹងបក់បោកមកដូចជាខ្យល់ព្យុះ។ព្រះពិរោធនេះប្រៀបដូចជាខ្យល់កំបុតត្បូងបក់នៅលើក្បាលរបស់ពួកទុច្ចរិត។
20. ព្រះពិរោធរបស់ព្រះអម្ចាស់នឹងមិនងាករេចេញទៅណាឡើយដរាបណាទាល់តែបានសម្រេចតាមគម្រោងការរបស់ព្រះអង្គយ៉ាងសុក្រឹតជាមុនសិន។នៅថ្ងៃចុងក្រោយអ្នករាល់គ្នាមុខជាយល់ច្បាស់ពុំខាន។
21. «យើងពុំបានចាត់ព្យាការីទាំងនេះទេតែពួកគេនាំគ្នារត់ទៅយើងពុំបាននិយាយអ្វីជាមួយពួកគេទេតែគេនាំគ្នានិយាយក្នុងនាមយើង។
22. ប្រសិនបើពួកគេបានជួបពិភាក្សាជាមួយយើងនោះពួកគេមុខជានាំពាក្យរបស់យើងទៅប្រាប់ប្រជារាស្ត្ររបស់យើងហើយនាំប្រជាជននេះងាកចេញពីផ្លូវអាក្រក់និងងាកចេញពីអំពើទុច្ចរិតជាមិនខាន។
23. យើងមិនមែនជាព្រះដែលមើលឃើញតែជិតៗប៉ុណ្ណោះទេយើងក៏ជាព្រះដែលមើលឃើញអ្វីៗនៅឆ្ងាយដែរ- នេះជាព្រះបន្ទូលរបស់ព្រះអម្ចាស់។