7. យើងនឹងរែងប្រជាជននេះនៅតាមស្រុកនានាយើងកំចាត់កំចាយពួកគេយើងធ្វើឲ្យប្រជារាស្ត្ររបស់យើងវិនាសដោយបាត់បង់កូនចៅដ្បិតពួកគេពុំព្រមងាកចេញពីផ្លូវដ៏អាក្រក់របស់ខ្លួនឡើយ។
8. យើងនឹងធ្វើឲ្យមានស្ត្រីមេម៉ាយច្រើនជាងគ្រាប់ខ្សាច់នៅតាមឆ្នេរសមុទ្រទៅទៀត។យើងនឹងនាំមហន្តរាយមកលើពួកគេទាំងកណ្ដាលថ្ងៃត្រង់គឺមកលើម្ដាយរបស់ទាហានដែលនៅក្មេងយើងធ្វើឲ្យស្ត្រីនោះតក់ស្លុត ញ័ររន្ធត់។
9. ស្ត្រីដែលបង្កើតបានកូនប្រុសប្រាំពីរនាក់បែរជាបាត់បង់កូនអស់ ហើយអស់សង្ឃឹមពន្លឺរបស់នាងលិចបាត់ទៅក្នុងវេលាថ្ងៃត្រង់នាងត្រូវបាក់មុខ និងអាម៉ាស់យ៉ាងខ្លាំង។រីឯអ្នកដែលនៅសេសសល់យើងនឹងប្រគល់ទៅឲ្យខ្មាំងសត្រូវប្រហារដោយមុខដាវ»- នេះជាព្រះបន្ទូលរបស់ព្រះអម្ចាស់។
10. អ្នកម្ដាយអើយ តើបង្កើតខ្ញុំមកធ្វើអ្វីបើខ្ញុំវេទនាបែបនេះ!អ្នកស្រុកទាំងមូលនាំគ្នាជំទាស់ហើយរករឿងឈ្លោះជាមួយនឹងខ្ញុំ។ខ្ញុំពុំបានជំពាក់ប្រាក់គេហើយក៏គ្មាននរណាជំពាក់ប្រាក់ខ្ញុំដែរតែពួកគេជេរប្រទេចផ្ដាសាខ្ញុំគ្រប់ៗគ្នា។