2. ចូរច្រៀងថ្វាយព្រះអម្ចាស់និងសរសើរតម្កើងព្រះនាមព្រះអង្គចូរប្រកាសជារៀងរាល់ថ្ងៃអំពីការសង្គ្រោះរបស់ព្រះអង្គ។
3. ចូរប្រកាសនៅក្នុងចំណោមប្រជាជាតិនានាអំពីសិរីរុងរឿងរបស់ព្រះអង្គហើយប្រកាសនៅក្នុងចំណោមប្រជាជនទាំងឡាយ អំពីស្នាព្រះហស្ដដ៏អស្ចារ្យរបស់ព្រះអង្គ!
4. ដ្បិតព្រះអម្ចាស់ជាព្រះដ៏ប្រសើរឧត្ដមដែលយើងត្រូវតែសរសើរតម្កើងអស់ពីចិត្តព្រះអង្គគួរជាទីស្ញែងខ្លាចជាងព្រះផងទាំងពួង។
5. ព្រះទាំងប៉ុន្មានរបស់សាសន៍នានាសុទ្ធតែឥតបានការអ្វីទាំងអស់រីឯព្រះអម្ចាស់វិញ ព្រះអង្គបានបង្កើតផ្ទៃមេឃ។
6. មានពន្លឺរស្មីចិញ្ចែងចិញ្ចាចចាំងចេញពីព្រះភ័ក្ត្ររបស់ព្រះអង្គព្រះដំណាក់របស់ព្រះអង្គពោរពេញទៅដោយឫទ្ធិបារមីដ៏ថ្កុំថ្កើងរុងរឿង។