3. កំហុសរបស់ទូលបង្គំធ្ងន់ធ្ងរណាស់មានតែព្រះអង្គទេដែលលើកលែងទោសឲ្យយើងខ្ញុំបាន។
4. មានសុភមង្គលហើយអស់អ្នកដែលព្រះអង្គជ្រើសរើសហើយនាំចូលមករស់នៅក្នុងទីសក្ការៈរបស់ព្រះអង្គ។យើងខ្ញុំនឹងស្កប់ចិត្តដោយបានទទួលព្រះពរនៅក្នុងព្រះដំណាក់របស់ព្រះអង្គគឺនៅក្នុងព្រះវិហារដ៏វិសុទ្ធរបស់ព្រះអង្គ។
5. ឱព្រះជាម្ចាស់ជាព្រះសង្គ្រោះយើងខ្ញុំអើយព្រះអង្គប្រកបដោយសេចក្ដីសុចរិតព្រះអង្គបានឆ្លើយតបមកយើងខ្ញុំដោយសម្តែងឫទ្ធិបារមីគួរឲ្យស្ញែងខ្លាចប្រជាជននានាដែលរស់នៅទីឆ្ងាយដាច់ស្រយាលនៃផែនដី និងនៅខាងនាយសមុទ្រនឹងនាំគ្នាផ្ញើជីវិតលើព្រះអង្គ!
6. ព្រះអង្គបានពង្រឹងភ្នំទាំងឡាយឲ្យរឹងមាំដោយសារព្រះចេស្ដារបស់ព្រះអង្គព្រះអង្គប្រកបទៅដោយឫទ្ធានុភាព។