1. ឱព្រះជាម្ចាស់អើយយើងខ្ញុំត្រូវតែសរសើរតម្កើងព្រះអង្គនៅក្រុងស៊ីយ៉ូនហើយថ្វាយតង្វាយ តាមពាក្យដែលយើងខ្ញុំបានសន្យាចំពោះព្រះអង្គ។
2. ព្រះអង្គតែងតែស្ដាប់ពាក្យទូលអង្វររបស់មនុស្សលោកជានិច្ចពួកគេនឹងមករកព្រះអង្គទាំងអស់គ្នា។
3. កំហុសរបស់ទូលបង្គំធ្ងន់ធ្ងរណាស់មានតែព្រះអង្គទេដែលលើកលែងទោសឲ្យយើងខ្ញុំបាន។
4. មានសុភមង្គលហើយអស់អ្នកដែលព្រះអង្គជ្រើសរើសហើយនាំចូលមករស់នៅក្នុងទីសក្ការៈរបស់ព្រះអង្គ។យើងខ្ញុំនឹងស្កប់ចិត្តដោយបានទទួលព្រះពរនៅក្នុងព្រះដំណាក់របស់ព្រះអង្គគឺនៅក្នុងព្រះវិហារដ៏វិសុទ្ធរបស់ព្រះអង្គ។
5. ឱព្រះជាម្ចាស់ជាព្រះសង្គ្រោះយើងខ្ញុំអើយព្រះអង្គប្រកបដោយសេចក្ដីសុចរិតព្រះអង្គបានឆ្លើយតបមកយើងខ្ញុំដោយសម្តែងឫទ្ធិបារមីគួរឲ្យស្ញែងខ្លាចប្រជាជននានាដែលរស់នៅទីឆ្ងាយដាច់ស្រយាលនៃផែនដី និងនៅខាងនាយសមុទ្រនឹងនាំគ្នាផ្ញើជីវិតលើព្រះអង្គ!
6. ព្រះអង្គបានពង្រឹងភ្នំទាំងឡាយឲ្យរឹងមាំដោយសារព្រះចេស្ដារបស់ព្រះអង្គព្រះអង្គប្រកបទៅដោយឫទ្ធានុភាព។
7. ព្រះអង្គបានធ្វើឲ្យសន្ធឹករលកសមុទ្រដ៏គគ្រឹកគគ្រេងបានស្ងប់ឈឹងព្រះអង្គក៏បានធ្វើឲ្យសំឡេងដ៏អឺងកងរបស់ប្រជាជនទាំងឡាយបានស្ងប់ស្ងៀមដែរ។