5. ឱព្រះអម្ចាស់ជាព្រះនៃទូលបង្គំអើយព្រះអង្គបានសម្តែងការអស្ចារ្យជាច្រើនចំពោះយើងខ្ញុំព្រះអង្គក៏មានគម្រោងការជាច្រើនសម្រាប់យើងខ្ញុំដែរ។គ្មាននរណាអាចផ្ទឹមស្មើនឹងព្រះអង្គបានទេការអស្ចារ្យទាំងនោះមានចំនួនច្រើនឥតគណនាទូលបង្គំមិនអាចពណ៌នាអស់ឡើយ។
6. ព្រះអង្គមិនចង់បានយញ្ញបូជា ឬតង្វាយអ្វីទេតែព្រះអង្គបានបើកត្រចៀកទូលបង្គំឲ្យចេះស្ដាប់ព្រះអង្គព្រះអង្គមិនទាមទារតង្វាយដុត ឬយញ្ញបូជាសុំឲ្យរួចពីបាបឡើយ។
7. ដូច្នេះ ទូលបង្គំពោលថា បពិត្រព្រះអម្ចាស់ទូលបង្គំមករកព្រះអង្គទាំងកាន់គម្ពីរដែលមានចែងទុកអំពីទូលបង្គំ។
8. ទូលបង្គំពេញចិត្តនឹងធ្វើតាមព្រះហឫទ័យរបស់ព្រះអង្គហើយក្រឹត្យវិន័យរបស់ព្រះអង្គដក់នៅក្នុងដួងចិត្តទូលបង្គំជានិច្ច។