80. សូមជួយឲ្យទូលបង្គំប្រព្រឹត្តតាមច្បាប់របស់ព្រះអង្គឥតខ្ចោះកុំឲ្យទូលបង្គំត្រូវខ្មាសឡើយ។
81. ទូលបង្គំទន្ទឹងរង់ចាំមើលព្រះអង្គសង្គ្រោះទូលបង្គំទូលបង្គំរង់ចាំព្រះអង្គមានព្រះបន្ទូល។
82. ទូលបង្គំខំប្រឹងរង់ចាំមើលព្រះបន្ទូលសន្យារបស់ព្រះអង្គ ទូលបង្គំពោលថា «តើដល់ពេលណាទើបព្រះអង្គសម្រាលទុក្ខទូលបង្គំ?»។
83. ទូលបង្គំជាមនុស្សដែលគ្មាននរណារាប់រកទៀតទេតែទូលបង្គំមិនបំភ្លេចច្បាប់របស់ព្រះអង្គឡើយ។