100. ទូលបង្គំដឹងខុសត្រូវជាងចាស់ៗទៅទៀតដ្បិតទូលបង្គំប្រព្រឹត្តតាមព្រះឱវាទរបស់ព្រះអង្គ។
101. ទូលបង្គំចៀសចេញឆ្ងាយពីផ្លូវអាក្រក់ទាំងប៉ុន្មានដើម្បីប្រតិបត្តិតាមព្រះបន្ទូលរបស់ព្រះអង្គ។
102. ទូលបង្គំមិនងាកចេញពីវិន័យដែលព្រះអង្គបង្គាប់មកទូលបង្គំឡើយដ្បិតព្រះអង្គប្រៀនប្រដៅទូលបង្គំដូច្នេះ។
103. ព្រះបន្ទូលរបស់ព្រះអង្គប្រៀបបាននឹងអាហារដ៏ឆ្ងាញ់ពិសេស សម្រាប់ទូលបង្គំហើយក៏មានរសជាតិផ្អែមជាងទឹកឃ្មុំទៅទៀត។