17. គេចូលចិត្តដាក់បណ្ដាសាដូច្នេះ សូមឲ្យគេត្រូវបណ្ដាសាចុះ!គេមិនពេញចិត្តនឹងពរទេ ដូច្នេះសូមកុំឲ្យមាននរណាជូនពរគេឡើយ!
18. សូមឲ្យគេយកបណ្ដាសាគ្របដណ្ដប់ពីលើគេសូមឲ្យបណ្ដាសាចូលទៅក្នុងខ្លួនគេដូចទឹកហើយចូលទៅក្នុងឆ្អឹងគេដូចខ្លាញ់!
19. សូមឲ្យបណ្ដាសាបានដូចជាសម្លៀកបំពាក់បិទបាំងកាយពួកគេហើយរុំព័ទ្ធខ្លួនគេជានិច្ចដូចខ្សែក្រវាត់។
20. អស់អ្នកដែលចោទប្រកាន់ខ្ញុំនិងអស់អ្នកដែលនិយាយអាក្រក់ប្រឆាំងនឹងខ្ញុំសូមឲ្យគេទទួលទោសពីព្រះអម្ចាស់បែបនេះឯង!
21. ឱព្រះជាអម្ចាស់អើយសូមព្រះអង្គមេត្តាជួយទូលបង្គំដោយយល់ដល់ព្រះនាមព្រះអង្គព្រះអង្គមានព្រះហឫទ័យមេត្តាករុណាដ៏លើសលប់ សូមរំដោះទូលបង្គំផង!
22. ទូលបង្គំជាមនុស្សកំសត់ទុគ៌តទូលបង្គំរបួសដួងចិត្ត។