32. នៅប្រភពទឹកមេរីបា ពួកគេបាននាំគ្នាធ្វើឲ្យព្រះអម្ចាស់ទ្រង់ព្រះពិរោធហើយលោកម៉ូសេទទួលទោស ព្រោះតែពួកគេ
33. គឺពួកគេធ្វើឲ្យលោកឆ្អែតចិត្តហើយមានប្រសាសន៍ចេញមកដោយពុំបានគិត។
34. ពួកគេពុំបានប្រហារប្រជាជាតិនានាតាមព្រះបញ្ជារបស់ព្រះអម្ចាស់ទេ។
35. ពួកគេបែរជាទៅពាក់ព័ន្ធជាមួយប្រជាជាតិទាំងនោះហើយនាំគ្នាប្រព្រឹត្តតាមសាសន៍ទាំងនោះ
36. គឺថ្វាយបង្គំព្រះក្លែងក្លាយរបស់សាសន៍ដទៃដែលជាអន្ទាក់នាំឲ្យពួកគេវិនាស។
37. ពួកគេបានយកកូនប្រុសកូនស្រីទៅធ្វើយញ្ញបូជាឲ្យអារក្ស។
38. ពួកគេប្រហារជីវិតកូនប្រុសកូនស្រីរបស់ខ្លួនដែលគ្មានកំហុសដើម្បីធ្វើយញ្ញបូជាឲ្យព្រះក្លែងក្លាយនៅស្រុកកាណានឃាតកម្មទាំងនោះបណ្ដាលឲ្យទឹកដីរបស់ពួកគេលែងវិសុទ្ធទៀត។
39. អំពើដែលពួកគេប្រព្រឹត្តបានធ្វើឲ្យខ្លួនគេទៅជាសៅហ្មង ពួកគេបានក្បត់ព្រះជាម្ចាស់ដោយសារអំពើរបស់ខ្លួន។
40. ព្រះអម្ចាស់ទ្រង់ព្រះពិរោធនឹងប្រជារាស្ត្ររបស់ព្រះអង្គយ៉ាងខ្លាំងព្រះអង្គទាស់ព្រះហឫទ័យនឹងប្រជាជនផ្ទាល់របស់ព្រះអង្គ។
41. ព្រះអង្គប្រគល់ពួកគេទៅក្នុងកណ្ដាប់ដៃរបស់ប្រជាជាតិនានាព្រះអង្គឲ្យបច្ចាមិត្តគ្រប់គ្រងលើពួកគេ។
42. ខ្មាំងសត្រូវជិះជាន់សង្កត់សង្កិនពួកគេព្រមទាំងបង្ក្រាបពួកគេឲ្យចុះចូលក្រោមអំណាចរបស់ខ្លួនទៀតផង។
43. ព្រះអង្គបានរំដោះពួកគេច្រើនលើកច្រើនគ្រាក៏ប៉ុន្តែ ពួកគេនៅតែនាំគ្នាបះបោរប្រឆាំងនឹងព្រះអង្គហើយប្រព្រឹត្តអំពើបាបកាន់តែខ្លាំងឡើងៗ។
44. ពេលព្រះអង្គឮពួកគេស្រែកអង្វរព្រះអង្គក៏មានព្រះហឫទ័យអាណិតពួកគេដែលកំពុងរងទុក្ខលំបាក
45. ព្រះអង្គប្រោសប្រណីពួកគេដោយនឹកដល់សម្ពន្ធមេត្រីរបស់ព្រះអង្គព្រះអង្គដូរព្រះហឫទ័យព្រោះព្រះអង្គមានមេត្តាករុណាធម៌ដ៏លើសលប់។