7. ចូរនឹកចាំពីអតីតកាលចូររិះគិតអំពីឆ្នាំនានាដែលកន្លងហួសមកហើយចូរសុំឲ្យឪពុកម្ដាយ និងជីដូនជីតារបស់អ្នករៀបរាប់អំពីហេតុការណ៍នៅជំនាន់មុនៗ។
8. ពេលព្រះដ៏ខ្ពង់ខ្ពស់បំផុតប្រទានទឹកដីឲ្យប្រជាជាតិទាំងឡាយ ទុកជាកេរមត៌កពេលព្រះអង្គបំបែកមនុស្សលោកចេញពីគ្នាព្រះអង្គបានកំណត់ព្រំដែនឲ្យជាតិសាសន៍នានាដោយយោងតាមចំនួនកូនចៅអ៊ីស្រាអែល។
9. ព្រះអម្ចាស់បានជ្រើសរើសអ៊ីស្រាអែលទុកជាប្រជារាស្ត្ររបស់ព្រះអង្គព្រះអង្គជ្រើសរើសកូនចៅលោកយ៉ាកុបទុកជាចំណែកមត៌ករបស់ព្រះអង្គផ្ទាល់។
10. ព្រះអង្គបានរកឃើញអ៊ីស្រាអែលនៅវាលរហោស្ថាន ក្នុងទឹកដីហួតហែងដែលមានតែឆ្កែព្រៃរស់នៅព្រះអង្គបីបាច់ថ្នាក់ថ្នម និងអប់រំអ៊ីស្រាអែលព្រះអង្គការពារគេដូចប្រស្រីព្រះនេត្ររបស់ព្រះអង្គ។
11. ព្រះអង្គប្រព្រឹត្តចំពោះអ៊ីស្រាអែលដូចសត្វឥន្ទ្រីបង្រៀនកូននៅក្នុងសំបុកព្រមទាំងហើរការពារពីលើកូនរបស់វាហើយត្រដាងស្លាបក្រុងកូនរបស់វានិងដាក់កូននៅលើចំអេងស្លាបផង។
12. មានតែព្រះអម្ចាស់មួយអង្គគត់ដែលដឹកនាំប្រជារាស្ត្ររបស់ព្រះអង្គគឺព្រះអង្គមិនត្រូវការព្រះដទៃឡើយ។