20. ទូលបង្គំបានទទួលបញ្ជាពីព្រះអង្គដើម្បីឲ្យពរប្រជាជននេះបើព្រះជាម្ចាស់ឲ្យពរនោះទូលបង្គំមិនអាចផ្លាស់ប្ដូរទេ។
21. គ្មានគ្រោះកាចណាកើតមានដល់កូនចៅលោកយ៉ាកុបឡើយហើយក៏គ្មានទុក្ខវេទនាណាកើតមានដល់កូនចៅអ៊ីស្រាអែលដែរ។ ព្រះអម្ចាស់ ជាព្រះរបស់ពួកគេគង់នៅជាមួយពួកគេពួកគេប្រកាសថាព្រះអង្គជាព្រះមហាក្សត្ររបស់ពួកគេ។
22. ព្រះជាម្ចាស់បាននាំពួកគេចាកចេញពីស្រុកអេស៊ីបដោយប្រើកម្លាំងដ៏ខ្លាំង ដូចសត្វរមាស។
23. មន្តអាគមមិនអាចធ្វើអ្វីយ៉ាកុបបានទេអំពើធ្មប់ក៏មិនអាចធ្វើអ្វីអ៊ីស្រាអែលដែរ។នៅពេលកំណត់ គេនឹងថ្លែងអំពីការអស្ចារ្យដែលព្រះជាម្ចាស់ធ្វើចំពោះយ៉ាកុបនិងអ៊ីស្រាអែល។
24. មើលចុះ ប្រជាជននេះងើបឡើងដូចសិង្ហញីពួកគេឈរដូចសិង្ហឈ្មោលដរាបណាសិង្ហមិនបានចាប់រំពាហើយហុតឈាមសត្វដែលវាចាប់បានទេវាមិនដេកវិញឡើយ។