15. Pasuryaning ratu kang sumunar iku njalari urip,lan kabecikane kaya mendhunge udan ing mangsa semi.
16. Oleh kawicaksanan iku pranyata banget ngluwihi oleh mas,lan oleh pangreten banget ngungkuli oleh salaka.
17. Ngedohi piala iku dalane wong jujur,sing sapa rumeksa marang tindake iku ngreksa nyawane.
18. Kumenthus iku pepucuking karusakan,lan gumunggung iku pucuking ambruk.
19. Becik ngesorake dhiri nunggal karo para wong andhap-asor,tinimbang karo ngedum rayahan ana ing tengahe wong gumunggung.