4. Turune Yawan: Elisa, Tarsis, bangsa Kitim lan bangsa Dodanim.
5. Iku padha nurunake bangsa-bangsa kang pencar-pencar ngenggoni tanah pasisir wengkone para bangsa. Yaiku turune Yafet, mawa-mawa tanahe, basane, golongane lan bangsane.
6. Turune Kham yaiku: Kusy, Misraim, Put lan Kanaan.
7. Turune Kusy: Seba, Hawila, Sabta, Raema lan Sabtekha; lan turune Raema: Syeba lan Dedan.
8. Kusy anak-anak Nimrod; iku wong kang miwiti duwe pangwasa ana ing bumi;
9. dadi juru mbebedhag kang gagah prakosa ana ing ngarsane Sang Yehuwah, jalaran saka iku nganti ana pocapan: “Kaya Nimrod pambedhag kang gagah prakosa ana ing ngarsane Sang Yehuwah.”