59. Wannan kuwa a majami'a ya faɗa, sa'ad da yake koyarwa a Kafarnahum.
60. Da jin haka, da yawa daga cikin almajiransa suka ce, “Wannan magana mai wuya ce, wa zai iya jinta?”
61. Yesu kuwa, da yake ya sani a ransa almajiransa suna gunagunin wannan, sai ya ce musu, “Wato, wannan ne ya zamar muku abin tuntuɓe?
62. Yaya ke nan in kuka ga Ɗan Mutum yana hawa inda yake dā?
63. Ai, Ruhu shi ne mai rayarwa, jiki kam ba ya amfana kome. Kalmomin da na faɗa muku ruhu ne, da kuma rai.