35. Pedro katu he'i chupe:—Amano vaerã ramo jepe ne ndive, nda'éi chéne ndoroikuaaiha.Ha opavave umi hemimbo'e péicha avei he'i.
36. Upéi Jesús oho hemimbo'e kuéra ndive peteĩ hendápe hérava Getsemaníme. Jesús he'i chupe kuéra:—Pepyta ko'ápe ha peguapy. Che aháta amo gotyo añembo'e.
37. Ha ogueraha Pedro ha umi mokõi Zebedeo ra'y kuérape. Upépe ou eterei oñembyasy ha ojepy'apy.
38. Ha he'i chupe kuéra:—Ñembyasy che jukátava niko che jopy. Pepyta che ndive ko'ápe, ha ani peke.