1. Opa rire pe mba'asy asãi, hetaitépe ojuka vaekue, Ñandejára he'i Moisés ha pa'i Aarón ra'y Eleazárpe:
2. Peipapa opa kuimba'e Israel ñemoñare, 20 áño oguerekóva guive, oĩva oho haguãicha ñorãirõháme.
3-4. Moisés ha pa'i Eleazar ojapo péicha ha ombyaty opa kuimba'e Israel ñemoñare Moab ñúme, ysyry Jordán ypýpe, Jericó rovái, Ñandejára he'i haguéicha Moiséspe. Israel ñemoñare osẽ vaekue Egíptogui, oguerekóva 20 áño guive, ko'ãva hína:
5-6. Rubén, Jacob ra'y ypykuégui osẽ vaekue, Henoc, Falú, Hesrón ha Carmí rogagua:
7. Rubén ñemoñare ojepapa 43.730 kuimba'e.
12-13. Simeón ñemoñarégui osẽ vaekue Nemuel, Jamín, Jakín, Zérah ha Saúl.
15-17. Gad ñemoñarégui osẽ:Sefón, Haguí, Suní, Ozní, Erí, Arod ha Arelí.
23-24. Isacar ñemoñare, Tolá, Puvá, Jasub ha Simrón,
28-29. José ra'y Manasés ha Efraín. Manasés ra'y Maquir, ha Maquírgui osẽ Galaad.
30-33. Galaádgui osẽva hína ãva: Jezer, Hélec, Asriel, Siquem, Semidá ha Héfer. Héfer ra'y Sutélah; kóva ndaita'ýrai, itajýra katu ãva: Mahlá, Noá, Hoglá, Milcá ha Tirsá.
38-39. Benjamíngui osẽ vaekue ko'ãva: Bela, Asbel, Ahiram, Sufam ha Hufam.
48-49. Neftalígui osẽva, ko'ãva: Jahseel, Guní, Jezer ha Silem.
53-54. Emboja'o pe yvy Israel guápe, reitývo po'a, ojepapa haguéicha umi ñemoñare. Umi hetavévape eme'ẽ tuichave ha mbovyvévape, michĩve.
55-56. Peteĩ-teĩme toñeme'ẽ ijyvy teerã pe yvýgui itúva ñemoñare guápe guarãva, ojeitývo po'a.