13. Oho tenondeve hikuái ha opyta ysyry guasu Arnón yvate gotyo, yvy ojeiko'ỹháme ojepysóva amorréo retã meve. Ysyry guasu Arnón omboja'o ojuehegui Moab ha amorréo retã.
14. Upévare pe kuatia ñe'ẽme hérava “Ñandejára ñorãirõ” oje'e:“Vaheb, Sufá ypýpe, ysyry Arnón,
15. ha ysyry kuéra táva Ar peve oguahẽva,ha Moab rembe'y gotyo ojepysóva.”
16. Pégui oho hikuái ha oguahẽ peteĩ hendápe hérava Beer. Upépe oĩ pe ykua Ñandejára he'i hague Moiséspe: “Embyaty maymávape amboy'u haguã chupe kuéra”.
17. Upérõ Israel ñemoñare opurahéi vaekue péicha:Epu'ã ykua!Tojepurahéi chupe:
18. “Ykua ojo'óva mburuvicha ha myakãhára kuéra,ombokuáva yvyra jekohápe.”Pe yvy ojeiko'ỹhágui ohove ha oguahẽ Matanápe.