1. Ñandejára he'i Moisés ha Aarónpe ojejapo haguã péicha:
10-16. Yvy gotyo toñemoĩ División Rubén mbohapy iregimiento ha huvicha kuéra reheve, péicha:Regimiento Rubén: Mburuvicha Elisur, Sedeúr ra'y: 46.500 kuimba'e.Regimiento Simeón: Mburuvicha Selumiel, Surisadai ra'y: 59.300 kuimba'e.Regimiento Gad: Mburuvicha Eliasaf, Reuel ra'y: 46.650 kuimba'e.Maymáva retakue, 151.450 kuimba'e.Ojeku'évo, División Rubén toho División Judá rapykuéri.
17. Levíta kuéra ogueraháva Jotopa Róga ojepe'a vaekue, ha opa mba'e hesegua, toho umi Regimiento pa'ũme. Regimiento kuéra toku'e oñemohenda haguéicha chupe kuéra.
18-24. Kuarahy reike gotyo toñemohenda División Efraín mbohapy iregimiento ha huvicha kuéra reheve péicha:Regimiento Efraín Mburuvicha Elisamá, Amihud ra'y: 40.500 kuimba'e.Regimiento Manasés: Mburuvicha Gamaliel, Pedasur ra'y: 32.200 kuimba'e.Regimiento Benjamín: Mburuvicha Abidán, Guidoní ra'y: 35.400 kuimba'e.Maymáva retakue: 108.100 kuimba'e.División Efraín hína pe mbohapyha. Toku'e pe mokõiha rapykuéri.