5. Irundy ára ko'ẽme katu opu'ã hikuái ha upe levíta oñembosako'i osẽ haguãicha. Upe kuña ru katu he'i chupe:—Epytána ñañamindu'u'imi, pehupi pu'aka ha upéi katu tapeho.
6. Oguapy mokõivéva okaru. Ha upépe he'i chupe upe kuña ru:—Epytavéna javy'a ha jake ápe ko pyharépe.
7. Upe levíta katu opu'ã oho haguãicha. Ha upe kuña ru ojerure tereígui chupe opyta haguã, opyta jey oke upépe upe pyhare.
8. Upe 5 arahápe, opu'ã upe levíta pyharevete oho haguãicha. Upe kuña ru katu he'i chupe:—Epyta jeýna ñañamindu'u'imi.Oguapy jey okaru mokõivéva hikuái ha péichape ijasaje chugui kuéra.