10. Ha pya'e oho iména rendápe ha he'i chupe:—Ou jeýma che rendápe upe karai akokuehe ou vaekue.
11. Ha pya'e opu'ã oho hembireko ndive upe karai oĩháme. Oguahẽvo oporandu chupe:—Nde piko upe akokuehe reñe'ẽ vaekue che rembireko ndive?Ha he'i chupe upe kuimba'e:—Che hína upéva.
12. Manoa oporandu chupe:—Ágã ojehu vove umi mba'e ere vaekue: piko mba'éicha romongakuaa vaerã upe mitã ha mba'éicha ha'e oiko vaerã?
13. Tupã remimbou he'i chupe:—Tojapo umi mba'e ne rembirekópe ha'e vaekue.
14. Anítei to'u kaguy térã oimeraẽ mba'e oporomonga'úva ha anítei ho'u mba'eve ipotĩ'ỹva.*f** Tojapóke che ha'e hagueichaite ne rembirekópe.
15. Upévo Manoa he'i upe kuimba'épe:—Epyta ápe ha tambichy ndéve peteĩ kavara ra'y.