12. ha he'i chupe:--Emoĩ umi trápo nde jyva guýpe ani haguã pe mba'esã ne hunga.Jeremías ojapo upéicha.
13. Upérõ umi kuimba'e ohupi chupe ha oguenohẽ upégui. Jeremías opyta mburuvicha guasu róga korapýpe.
14. Mburuvicha guasu Sedequías oguerahauka hendápe maranduhára Jeremíaspe, tupao rokẽ mbohapyhápe. Upépe he'i chupe:--Taporandu porã mandi ndéve ha aipota ere chéve añete hapete.
15. Jeremías he'i chupe:--Ha'e ramo ndéve che jukaukáta ha añemoñe'ẽ ramo ndéve nderéi kuaase mo'ãi mba'eve.