1. Umíva umi árape mburuvicha guasu Herodes oñepyrũ oñemoĩ pe iglésiare.
2. Ojukauka kyse pukúpe Juan ryke'y Santiágope.
3. Ha ohechávo upéva oguerohoryha Israelgua, omonambika avei Pédrope. Kóva ojehu umi ára oñembyarete jave mbuja añembovu'ỹva.
4. Herodes omoingeka Pédrope koty ypytũme, oñangarekohápe hese irundy ñorãirõhára aty, irundy ñorãirõhára reheve peteĩ-teĩ atýpe. Omoĩse chupe tetãgua pópe Páskua arete rire.
5. Pedro oĩ aja koty ypytũme, pe iglésia oñembo'e hese ipy'aite guive.