7. José ogueraha Faraón rendápe itúva Jacob. Jacob ohovasa Faraónpe,
8. ha Faraón oporandu chupe:—Mboy áño piko rereko?
9. Jacob he'i Faraónpe:—Che rembiasakue yvy ári ohupyty 130 áño. Ndaipukúi che rekove ha ivaívagui henyhẽ. Ne'ĩra ahupyty che ru rekove pukukue.
10. Ohovasa rire Faraónpe Jacob oho jey.
11. José omohenda itúva ha ityke'ýra kuérape iporãvehápe, he'i haguéicha Faraón, táva Ramsés ypýpe.