1. Iñepyrũmbýpe, Tupã ojapo yvága ha yvy.
2. Upérõ yvy oĩ sarambikuépe, pytũ ojaho'ipa upe tugua pypuku ha Tupã pu'aka omymýi y ári.
3. Tupã he'i:“Tahesakã!” ,Ha oiko ha'e he'i haguéicha.
4. Tupã oma'ẽvo hembiapokuére ojuhu iporãha. Ha oipe'a hesakãha pytũhágui.
5. Hesakãva ombohéra “ára” ha pytũha “pyhare”. Ha upéicha ohasa ára peteĩha.
6. Upéi Tupã he'i: “Toiko y aty guasu pa'ũme arapy ha tomboja'o mokõi hendápe upe y aty guasu”. Ha oiko ha'e he'i haguéicha.
7. Tupã ojapo peteĩ arapy ha upéva oipe'a ojuehegui y aty guasu oĩva iguýpe pe hi'ári oĩvagui.
14-15. Upérõ Tupã he'i: “Toĩ mba'e rendy yvágape ohesape haguã yvy ha oipe'a haguã ára pyharégui, ha avei ohechauka haguã araka'épa oñepyrũ ára, áño, ñemitỹ ha koga'a oñemono'õha ára.” Ha oiko ha'e he'i haguéicha.
17-18. Omoĩ umi mba'e rendy yvágape ohesape haguã yvy arakue ha pyharekue, ha omoambue haguã ojuehegui hesakãva ha iñypytũva. Ha oma'ẽvo hembiapokuére ohecha iporãha.