5. Aarón, ohechávo upe ojehúva, omopu'ã tóro ra'ýpe ijaltarã ha osapukái:—Ko'ẽrõ oikóta vy'a guasu Ñandejára rérape
6. Ára ambuépe opu'ã hikuái ko'ẽ mboyve ha oikuave'ẽ mymbahapy*f** ha mymbajuka*f** joajurã. Upéi oguapy hikuái okaru, ho'u kaguy ha opu'ã ojeroky.
7. Upérõ Ñandejára he'i Moiséspe:—Nde pya'e eguejy Ne retãgua renohẽ vaekue Egíptogui ojapo ivaíva.
8. Pya'e eterei ojei hikuái che rapégui. Ojapo tóro ra'y órogui, oñesũ henondépe, ogueru chupe imba'e kuave'ẽ ha he'i joa: “Israel, kóva hína tupã ne renohẽ vaekue Egíptogui”.
9. Tupã he'i avei Moiséspe:—Ahecha ha'e kuéra oikoseha iñakã rehénte voi.