16. Ko'ẽmbávo, mburuvicha guasu oho Daniel ndive pe tupaópe.
17. Oguahẽvo upépe mburuvicha guasu oporandu chupe:—Daniel, ndojepe'áipa ra'e umi okẽ?—Nahániri che ruvicha, —he'i chupe Daniel.
18. Oipe'ávo pe okẽ, mburuvicha guasu oma'ẽ upe mesáre ha osapukái:—Nde tuichaite piko, ndé Bel! Nde niko añetehápe, Tupã hína.
19. Daniel oñemoĩ opuka, ha ojoko mburuvicha guasúpe oike mboyve tupaópe. Ha he'i chupe:—Ema'ẽmi yvýre, che ruvicha guasu. Máva pyporépa umíva?