5. Upéicha háguinte ahecha sapy'a peteĩ kuimba'e ijao morotĩmbáva ha iku'a jokuaha órova.
6. Hete overa ita jeguáicha, hova ojajái ára veráicha, umi hesa ojogua tata rendýpe. Umi ijyva ha hetyma vrónseicha overa, ha oñe'ẽvo, hyapu ku heta oĩ ramo guáicha oñe'ẽva.
7. Chénte upe ahecháva ko'a mba'e. Umi che ndive oĩ vaekue ndohechái mba'eve. Tuicha okyhyje ha'e kuéra, upévare pya'e okañymba.
8. Aime cheño ahechávo ko mba'e. Che resa'yjupaite, che kangypa ha añeñandu'i.
9. Ahendúvo oñe'ẽha, che py'a mano ha ha'a yvýpe.
10. Upéi añandu peteĩ che mopu'ãva, ha apyta che po ha che renypy'ãre aryrýi.