3. Upérõ David oporandu chupe:—Oĩ gueteripa Saúl róga rehegua oikovéva, ikatu haguã ajapo hese iporãva Ñandejára rérape?Sibá he'i chupe:—Opyta gueteri peteĩ Jonatán ra'y ikarẽva mokõive ipýgui.
4. —Mamópa oĩ? —he'i David.—Táva Lodebar héravape, Maquir Amiel ra'y rógape, —he'i chupe Sibá.
5. Upérõ David he'i ojegueru haguã hendápe,
6. ha Mefi-Bóset, Jonatán ra'y ha Saúl remineno, oguahẽvo David rendápe, ojayvy omomba'évo chupe.—Mefi-Bóset! —he'i David.—Ere katu che ruvicha guasu, —he'i ha'e.
7. David he'i chupe:—Ani rekyhyje, ajapose iporã etereíva nde rehe, nde ru Jonatán rérape. Ame'ẽkáta ndéve opa umi yvy nde aguélo Saúl mba'ekue, ha rekarúta opa ára che ndive che mesápe.