1. Upérõ opa Judagua ogueraha Ozíaspe ha omoĩ chupe mburuvicha guasúrõ itúva Amasías rendaguépe. Ozías oguereko upérõ 16 áño,
2. ha ha'e pe itúva omano rire omopu'ã jey vaekue pe táva Elat, ha oñemomba'e jey hese Judápe guarã.
3. Ozías oguereko 16 áño oñepyrũrõ guare oisãmbyhy, ha oisãmbyhy Jerusalénpe 52 áño pukukue. Isy héra Jecolías, Jerusalengua.
4. Ozías rembiapokue iporã Ñandejára renondépe, iporã haguéicha itúva Amasías rembiapokue.
5. Oñeha'ã oiko Tupã rape rupi oikove aja Zacarías, oheko mbo'e vaekue chupe ohayhu haguã Tupãme. Ha oiko aja Ñandejára rape rupi, ha'e omyakã rapu'ã chupe.