42. Pe filistéo oma'ẽ David rehe, ha ohechávo peteĩ mitã rusu rova pytãmiha ijukýva, ojapo'i chupe,
43. ha he'i:—Che piko jagua mba'e reju haguã chéve yvyra nde pópe?Ha ojahéi hese itupã rérape.
44. Upéi he'i chupe:—Eju ko'ápe tame'ẽ ne re'õngue yryvu ha tymba ñarõme hembi'urã!
45. David he'i chupe:—Nde reju chéve kyse puku ha kyse yvuku reheve, che katu aju ndéve Tupã ipu'akapáva, Tupã Israelgua ñorãirõhára Jára rérape. Umívape nde remoñarõ reikóvo.
46. Ko'ágã Tupã ne me'ẽta che pópe ha ko árape voi rojukáta ha roñakã'óta. Ha filistéo ñorãirõhára re'õngue kuéra ahejáta yryvu ha tymba ñarõme hembi'urã. Péicha opavave ko yvy ári oikuaáta oĩha Tupã Israélpe.