14. Péicha peteĩ hýupe Jonatán ha iñirũ ojuka 20 kuimba'e rupi peteĩ sapy'aitépe.
15. Opa oĩva tekohápe ha okápe okyhyje eterei. Umi ñorãirõhára aty ha umi ohóva oporomonda okyhyje avei. Upévo avei oiko yvy ryrýi ha tuicha oñemondýi filistéo kuéra.
16. Umi ma'ẽhára oĩva Saúl ndive Guibeá Benjamín guápe ohecha filistéo kuéra oñaniha opa gotyo sarambi kuépe.
17. Upérõ Saúl he'i iñirũ nguéra ñorãirõhárape:—Peipapa, jahecha mávapa ndaipóri ñande apytépe.Ojejuhu ndaiporiha Jonatán ha iñirũ.