18. Adonías katu ojupíma David ramo ha nde, che ruvicha guasu, ndereikuaái upéva.
19. Ojuka tóro, novíllo ha heta ovecha ha omboja'o nde ra'y kuérape; avei pa'i Abiatar ha mburuvicha Joábpe. Nde ra'y Salomónpe katu ndojeruréi oho haguã.
20. Ko'ágã opa Israelgua oha'arõ nde erévo mávapa oisãmbyhýta nde rire.
21. Upeicha'ỹ ramo, nde remano rire che memby Salomón ha che rojejukáta.
22. Ha'e oñe'ẽ aja David ndive, oike maranduhára Natán,
23. ha oñemombe'u mburuvicha guasúpe. Oikévo Natán David rendápe oñesũ henondépe omboja peve isyva yvýre,
24. ha oporandu chupe:—Nde piko ere ra'e, che ruvicha guasu, Adonías oisãmbyhytaha nde rire?