37. Tugann Dáibhí féin Tiarna air; agus conas a fhéadann sé a bheith ina mhac aige?” Agus d'éist an mórshlua leis go fonnmhar.
38. Agus dúirt sé ina theagasc, “Seachnaígí na scríobhaithe, an dream arb aoibhinn leo fallaingeacha fada a chaitheamh, agus daoine ag beannú dóibh i sráideanna an mhargaidh
39. agus na suíocháin is fearr sna sionagóga agus na háiteanna is onóraí ar na fleánna,
40. an dream a shlogas teaghlaigh bhaintreach ina gcraos agus ar leithscéal leo a síorphaidreoireacht. Is amhlaidh is mó a dhaorfar iad.”