1. Nuair a tháinig lá na Cincíse, bhí siad uile go léir i gcuideachta a chéile in áit amháin.
2. Agus tháinig fuaim ó neamh mar shéideán gaoithe móire, agus bhí an teach a raibh siad ina suí ann lán de ghlór na gaoithe.
3. Agus chonacthas dóibh mar a bheadh teangacha tine ann, agus iad á ndealú ó chéile agus ag tuirlingt ar an uile dhuine acu.
4. Agus líonadh den Spiorad Naomh iad uile go léir, gur thosaigh ar labhairt i dteangacha éagsúla, mar a thug an Spiorad urlabhra dóibh.
5. Anois bhí Giúdaigh ina gcónaí in Iarúsailéim, lucht crábhaidh as gach cine dá bhfuil faoi spéartha neimhe.