1. Bhí féile ina dhiaidh sin ag na Giúdaigh, agus chuaigh Íosa suas go hlarúsailéim.
2. Anois tá linn uisce in Iarúsailéim cóngarach do Gheata na gCaorach a dtugtar Bét-sata air san Eabhrais, agus tá cúig cholúnáid ar an linn.
3. Bhí slua mór othar ina luí iontusan, idir dhaill agus chithréimigh agus lucht pairilise.
5. Bhi duine amháin ansin a bhí breoite i rith ocht mbliana agus triocha.
6. Nuair a chonaic Íosa é agus d'aithin sé go raibh sé ina luí ansin tamall fada, d'fhiafraigh sé de, “An áil leat do leigheas?”
7. Ba é freagra a thug an t‑othar air, “A Shaoi, níl aon duine agam le mo chur isteach sa linn nuair a chorraítear an t‑uisce, agus tá an chéim síos tugtha ag fear eile fad agus a bhímse ar mo bhealach.”
8. Arsa Íosa leis, “Éirigh, tóg do shráideog ort, agus siúl leat.”
9. Agus ní luaithe ráite é ná leigheasadh an fear, agus thóg sé a shráideog agus shiúil sé leis.Anois ba é an tsabóid é an lá sin.
10. Mar sin, dúirt na Giúdaigh leis an bhfear a leigheasadh, “Is í an tsabóid í, níl sé dlisteanach duit do shráideog a iompar.”
11. Ach d'fhreagair sé iad, “Is é a dúirt an fear a rinne mé a leigheas, ‘Tóg do shráideog ort agus siúl.’”