1 Macabaech 9:13-19 An Bíobla Naofa 1981 (ABN)

13. Chrith an talamh faoi thormán na n‑arm agus bhí an cath á chur ó mhaidin go tráthnóna.

14. Chonaic Iúdás go raibh Bacaídéas agus neart a fhórsaí ar dheis, agus chruinnigh na laochra gaile go léir chuige;

15. bhris siad ar an eite dheas agus chuir siad an teitheadh orthu go Sliabh Azótas.

16. Nuair a chonaic an mhuintir ar an eite chlé go raibh briste ar an eite dheas, d'iompaigh siad agus lean go dlúth ar a sála ar Iúdás agus ar a chuid fear.

17. Ghéaraigh go dásachtach ar an gcath agus goineadh agus treascradh a lán ar gach taobh.

18. Thit Iúdás féin agus theith an chuid eile.

19. Thóg Iónátán agus Síomón a ndeartháir leo ansin agus rinne siad é a adhlacadh i dtuama a sinsear i Móidín,

1 Macabaech 9