1. Orduan, Temango Elifazek hitz egin zuen:
2. «Gizakia Jainkoarentzat izaten ote onuragarri?Zentzu onekoa bere buruarentzat da onuragarri!
3. Zer axola zaio Ahaltsuari zure zuzentasuna?Zer irabazten du hark zure jokabide prestuaz?
4. Berarekiko leial zarelako zentzarazten ote zaituedo horregatik eramaten ote auzitara?
5. Ez ote zure gaiztakeria handia delakoeta amaigabeak zure erruak?
6. Arrazoirik gabegauzak bahituran hartzen zenizkien anaiei,jantziak kentzen biluzik uzteraino.
7. Ez zenion urik ematen egarrituari,eta bai ogia ukatzen gosetuari.
8. Gizon ahaltsu eta lurraldearen jabe,bertan ezarritako pribilegiatua zinenez,
9. alarguntsak esku-hutsik bidaltzen zenituen,umezurtzak gaizki hartzen.
10. Horregatik inguratzen zaituzte lakioek,bat-bateko izu-ikarek asaldatzen.
11. Ilunpetan zaude ezer ikusi ezinda,uholdeek azpiratua bezala.
12. «Ondo goian daude gero izarrak!Bada, are gorago dago Jainkoa.
13. Zuk diozu: “Zer daki Jainkoak?Nola epai lezake hodeitzar beltzez beste aldetik?
14. Hodeiz estalia dago eta ez du ikusten,zerumugetan bakarrik ibiltzen da”.
15. «Antzinako bideari jarraitu nahi al diozu zuk ere,gizatxarrek egindako berari?