14. Horregatik, honela diot nik, Israelen Jainkoak: Herri honi belarmina emango diot jateko, ur pozoitua edateko.
15. Sakabanatu egingo ditut, ez hauek, ez hauen gurasoek ezagutu ez dituzten nazioen artean; etsaia bidaliko diet atzetik ezpatarekin, denak suntsitu arte».
16. Honela dio Jaun ahalguztidunak:«Ea, egin dei emakume erostariei!Aurkitu trebeenak, eta betoz!»
17. Bai, datozela bizkor,abes dezatela erosta guregatik!Urtu bitez gure begiak malkoz,gerta bitez blai betazalak negarrez!
18. Erosta-kantua dator Siondik:«Ai ene, galduak gara!Hau lotsa gurea!Geure lurraldea utzi egin behar,geure etxetik botatzen gaituzte!»
19. Entzun, emakumeok,Jaunaren mintzoa,entzun arretaz haren hitzak.Irakatsi alabei erosta,auzokoei negar-kanta:
20. «Herioa leihoetatik sartu zaigu,jauregietaraino iritsi da.Haurrak garbitu ditu kaleetan,gazteak plazetan».