1. «Herritar baten idia nahiz ardia galduta ikusten baduzue, ez egin ez ikusiarena, itzuli jabeari.
2. Auzoan bizi ez bada edo ezezaguna baduzue, eraman aberea zeuen ukuilura eta eduki bertan, herritarra beraren bila etorri arte; orduan, itzuli egingo diozue.
3. Beste horrenbeste egingo duzue herritarrak galdu eta zuek aurkitutako asto, soingaineko nahiz beste edozer gauzarekin ere; ez egin ez ikusiarena.
4. «Zeuen herritarraren astoa nahiz idia bidean eroria ikustean, ez egin ez ikusiarena, lagundu altxatzen.
5. «Emakumeak ez du gizonezkoen jantzirik erabiliko, ezta gizonak ere emakumezkoen soinekorik jantziko, higuingarri baitzaio Jaunari zuen Jainkoari horrelakorik egiten duena.
6. «Bidez zoaztela, zuhaitzean nahiz lurrean habia txorikumeekin edo arrautzekin, ama bertan delarik, aurkitzen baduzue, ez hartu ama kumeekin;