2. Hogeita lau mila gizoneko lehen taldearen buruzagia Zabdielen seme Jaxobeam zen,
3. Peretzen ondorengoetakoa; bera zen gudarosteko ofizial guztien buru lehen hilabetean.
4. Bigarren hilabetean bigarren taldearen buruzagia Dodai zen, ahohitarra; Miklot ere buruzagi zen talde hartan.
5. Hirugarren hilabetean hirugarren taldearen buruzagia Benaias zen, Joiada apaiz nagusiaren semea.
6. Benaias hau hogeita hamar gudari adoretsuetako bat izan zen eta beraien buruzagi. Bere taldekoa zuen bere seme Amizabad ere.
7. Laugarren hilabetean laugarren taldearen buruzagia Joaben anaia Asahel zen, eta gero beraren seme Zebadias.