2. Halttß meine Sämps und ferchttß mein Heiligtuem! I bin dyr Herr.
3. Wenntß yn meine Satzungen naachkemmtß und meine Geboter achttß und naach ien löbtß,
4. naacherd schick i enk aynn Rögn um de rechte Zeit. D Erdn lifert irn Fand, und dyr Baaum tragt sein Obst.
5. Dröschn künntß hinst eyn d Weinlös und Wein brocken hinst eyn s Baun. Ös össtß enk sat an enkern Broot und löbtß gruesam in enkern Land.
6. I schaf aynn Frid in n Land: Ös lögtß enk nider, und niemdd schröckt enk auf. I laaß d Raaubtierer aus n Land verschwinddn. Kainn Krieg laaß i zo enk einhin.
7. Ös vertreibtß enkerne Feindd und machtß is nider.
8. Fümfe von enk sprengend hundert von ien, und hundert von enk iener zöhentauset; und ös machtß allss nider, wie s hergeet.