17. Wennst deinn Wög vor mir geest, wie n dein Vater Dafet gangen ist, und wennst allssand tuest, war i dyr auferlögt haan, wennst auf meine Geboter und Weisungen achtst,
18. naacherd gaa i dein Künigtuem besteen laassn, wie i yn deinn Vatern Dafet dargschlagn haan mit de Worter: 'Nie sollt s dyr an aynn Herrscher faeln für Isryheel.'
19. Aber abwenddn wenntß enk tuetß von mir und meine Vorschriftn und Geboter übertrötn, wenntß maintß, ös müessetß yn anderne Götter naachhinlaauffen und die anbettn,
20. naacherd gaa i enk aus meinn Land aushinschmeissn, dös wo i enk göbn haan. Aau dös Haus, wo i yn meinn Nam gweiht haan, feg i ainfach wögg. Ayn Schimpf und Schandd unter alle Völker sollt s aft werdn.