13. sundern yn de Isryheeler Künig naachhintuest und d Judauer und Ruslhamer wie schoon s Haus Ähäb abgöttisch gmacht haast, und weilst deine leiblichnen Brüeder umbrungen haast, bösserne Menschn wie du,
14. drum gaat dyr Herr dein Volk, deine Sün und Weiber und deinn Bsiz hart schlagn.
15. Du selbn gaast ys yso an deinn Ingwaid kriegn, däß s dyr iewet de Därm ausherbätzt."
16. Dyr Trechtein gstachlt aft de Pflister und Arbn gögn önn Joräm auf, d Naachbyrn von de Kuscher.
17. Sö griffend Judau an, fielnd überall ein und graeumend dönn gantzn Künigspflast aus, zamt seine Sün und Weiber. Kain Sun blib iem ausser n Jochs, yn n jüngstn.