13. Nimm de gantze Ingwaidfäistn, d Löberfäistn und Niernen mit n Nierstal und verbrenn s auf n Altter!
14. Sein Fleish, sein Föll und seinn Mist aber verbrennst vor n Lager, weil s ayn Sündopfer ist.
15. Dann holst ainn von de Wider, und dyr Ären und seine Sün sollnd iem d Höndd auflögn.
16. Stich önn Bok ab, nimm sein Bluet und gieß s um önn Altter umher!
17. Zlög n, wash sein Ingwaid und seine Hächsn und lög s auf seine andern Trümmer und auf seinn Kopf aufhin!
18. Aft laasst allss von dönn Wider auf n Altter in Raauch aufgeen. Ayn Brandopfer für n Herrn ist s, dös wo für iem gschmäckig riecht, ayn Feueropfer für n Herrn.