12. Sö brangend de Gfangnen und de Beuttn zo n Mosenn, zo n Priester Lazer und yn de de Isryheeler eyn s Lager in dyr Mober Au an n Jordn bei Iereich.
13. Dyr Mosen, dyr Priester Lazer und de Dietwärt kaamend ien schoon zgögn.
14. Daa wurd dyr Mosen aber wuetig über d Haauptleut von n Hör, d Wöbln und Rottnmaister, wo von n Krieg zruggkaamend:
15. "Zwö habtß n allsand Weiber eyn n Löbn laassn?
16. Grad die habnd doch auf n Pilgram seinn Raat hin d Isryheeler dyrzue verfüert, von n Herrn abzfalln und yn n Pegorbägl z dienen. Dösswögn ist ja dö Plaag über n Trechtein sein Volk +kemmen!