1. Aft saah i aynn neuen Himml und ayn neue Erdn, denn dyr eerste Himml und de eerste Erdn seind vergangen; und aau s Mör geit s niemer.
2. I saah de Heilige Stat, dös neue Ruslham, von n Herrgot her von n Himml abherkemmen. Pfrait war s wie ayn Braut, wo si für irn Gattn gschmückt haat.
3. Daa ghoer i ayn laute Stimm von n Troon her: "Daa, schautß, d Wonung Gottes ünter de Menschn! Er gaat mittn bei ien wonen, und sö gaand sein Volk sein; und er, dyr Herrgot, gaat bei ien sein.
4. Er gaat ien alle Zäher von de Augn wöggwischn. Kainn Tood geit s niemer, kain Trauer und kain Klag, kain Hartsal. Denn was früehers gwösn ist, ist vergangen."